由不認識靈恩派和抗拒靈恩教會、以為係異端，到了解到靈恩/聖靈就是主耶穌基督，透過聖經應許的力量【基督教教徒26年分享】
由不認識靈恩派和抗拒靈恩教會、以為係異端，到了解到靈恩/聖靈就是主耶穌基督，透過聖經應許的力量 我係返開傳統教會，其實我係有經歷過聖靈超自然嘅能力或者領受過靈恩好處的，但因身邊嘅弟兄姊妹或者牧者對靈恩有保留，我想將我的經歷同你分享。如果你係基督徒，親愛嘅弟兄姊妹，如果我嘅分享可能會令你得到一個啟發。我鼓勵你繼續了解之前做個禱告，求主耶穌基督、聖靈向你打開佢嘅真理 馬太福音7:8 因為凡祈求的就得著，尋找的就尋見，叩門的就給他開門。 我返過唔同嘅教會，細個第一間返嘅教會好講求純正嘅三一真神論，得救係因信稱義！所以我之後返嘅所有教會雖然有唔同嘅派別，但都係相信三一真神、得救係因信稱義！ 但為免引起誤會我唔會公開教會名字，希望大家明白。 簡單來講我細個返嘅教會好強調查經、靈修禱告，但牧者強調聖靈超自然工作已經有限度停止，所以有啲基督教教會講方言、醫病趕鬼背背後並非係聖靈工作，有機會係異端、邪靈！ 所以我一路對基督教靈恩派、靈恩教會唔認識兼且保持抗拒，驚係因為以為靈恩係異端，覺得佢哋有機會係邪靈/ 異端教派嘅工作。 返咗六年教會之後，出嚟社會工作後因金錢、情慾吸引，軟弱離開了神，一走就係14年！